Жаңалықтар

Қазақстаннан еуроооблигация орналастыру бойынша ең ірі мәміле аяқталды

23.01.2007 / Баспасөз орталығы

Қазақстаннан еурооблигацияны орналастыру бойынша ең ірі мәміле аяқталды. 1 миллиард АҚШ долларына еурооблигацияны тарту туралы негізгі құжаттарға қол қойылды. Қаражаттар банктің есепшотына келіп түсті.

«Бұл мәміле инвесторлардың қазақстандық барлық банк секторына деген сенімділігін арттыра түсті. Оның сәтті өтуі бізден кейін рыноққа шыққан қазақстандық басқа да банктердің мәмілесіне оң әсерін тигізері анық»,- деп есептейді банктің сыртқы қарыздар басқармасының бастығы Садыр Шағожаев.

TuranAlem Finance B.V. - ТұранӘлем банкінің еншілес компаниясы жалпы көлемі 1 млрд. $. облигацияның екі траншын АҚШ долларымен орналастырды. Бірінші 30 жылдық транш 750 млн. доллар сомасымен жылдық 8,375% мөлшерлемемен орналастырылды, ал екіншісі 250 млн., доллар көлемімен, 2 жылдық 250 млн. доллар көлеміндегі базистік пункттердің LIBOR+137,5 купонымен. Қағаздардың негізгі сатып алушылары америкалық инвесторлар болды. Еурооблигация шығарылымының жартысын Еуропа мен Азия инвесторлары сатып алды.

Орналастыруды ұйымдастырушылар JP Morgan мен Credit Suisse болды.
Орналастыру қолданыстағы бағдарлама аясында (Global Medium Term Note) жүзеге асты.

«ТұранӘлем Банкі»АҚ қаржы нарығының барлық сегменттеріне қатысатын негізгі қаржы тобын құрайды. ТӘБ - Қазақстанның жүйе құрушы банкі, ТМД елдеріндегі банк желісін құруда көшбасшы. ТӘБ активтері 2007 жылдың басында 14,4 млрд., ал банктің меншікті капиталы 2 млрд. АҚШ долларына жетті. Банктің 2015 жылға дейінгі стратегиялық мақсаттарына Қазақстанда және ТМД-ның басқа да рыноктарында бөлшек сауда, шағын және орта бизнес пен корпорациялық қызмет көрсетуде көшбасшылық ұстанымын нығайту және Қазақстанда кем дегенде – 25 пайыз, Ресейде – кем дегенде 2 пайыз, басқа да өнімін ұсынатын елдерде – кем дегенде 5 пайыз нарық үлесін иемдену кіреді. Банктің активтерін біріктіріп, оны 2010 жылға дейін 25 млрд., ал 2015 ж. 50 млрд.АҚШ долларына дейін жеткізу көзделіп отыр.