Жаңалықтар

Euromoney «ТұранӘлем Банкі» АҚ –ын екі мәртебелі сыйлықпен марапаттады

14.05.2007 / Press-service

Халықаралық Euromoney басылымы «ТұранӘлем Банкі» АҚ-ын дамушы Еуропа нарықтарындағы корпоративтік басқару бойынша көшбасшы банк - "Corporate Governance 2006", сондай-ақ ТӘБ-ін Орталық және Шығыс Еуропадағы және Орталық Азиядағы ең тиімді басқарылатын банк - "Best Managed Companies 2007"деп таныды.

"Corporate Governance 2006" марапатын тағайындауда 2006 жылғы мамырдан 2007 жылдың сәуіріне дейінгі аралықтағы банктің қызмет көрсету уақыты қарастырылды. Сондай-ақ "Best Managed Companies 2007" атағы 2007 жылдың қаңтарынан сәуіріне дейінгі аралықты қамтиды.

Беделді басылымның бұл марапаты - «ТұранӘлем Банкі» АҚ –ның дүниежүзілік қаржы нарығындағы ұстамының беріктігін және оның бағалы қағаздарының қазақстандық және шетелдік инвесторлар үшін де тартымды екенін дәлелдейді.

Euromoney басылымы компаниялардың корпоративтік басқаруындағы халықаралық стандарттарды енгізу мен қолдану бойынша сауалнаманы қарастыру барысында мына аспектілер сарапқа салынды: меншік иелері құрылымдарының мөлдірлігі, қаржылық мөлдірлігі, басқарма құрылымы, мүдделі тараптардың қарым-қатынастары мен басқарушылардың мүдделері.

«Бүгінгі банк ісіндегі барьерге қарамастан корпоративтік басқару саласы бойынша Euromoney марапатына ие болған банктер әлемдегі ең мықты қаржы институттары болып табылады. Олар нарықтағы тұрақты ұстанымдары, қызмет көрсетудегі жоғары деңгейі, әлеуетті өсімі мен тиімді басқарулары үшін марапатталған болатын. Бұл банктер шын мәнінде бірінші класты қаржы қызметтерін ұсынады және сенімге лайықты», - деп атап өтті Орталық және Шығыс Еуропа , Ресей мен ТМД аймақтары бойынша «Евромани» директоры Мартин Борн.

Екінші номинация бойынша жеңімпаз компанияларды анықтау барысында Euromoney сарапшылары банк стратегиясының сенімділігі мен дәйектілігі, қызмет көрсеткіштері, қаржылық есеп беруінің мөлдірлігі, корпоративтік басқару стандарттары және команданың инвесторлар мен талдаушылар үшін ашықтығын басты назарға алды.

«ТұранӘлем Банкі»АҚ (ТӘБ) қаржы нарығының барлық сегменттеріне қатысатын негізгі қаржы тобын құрайды. ТӘБ стратегиялық серіктес банктер жүйесі Украина , Ресейдің 4 аймағына, Беларусь, Грузия және Армения елдеріне тарайды. ТӘБ өкілдіктері Ресей, Беларусь, Қытай, Қырғызстан, Тәжікстан мен БАӘ -де жұмыс істейді. 06.04.2007 ж. ТӘБ тобының активтері 17 млрд., ал банктің меншікті капиталы 2,2 млрд. АҚШ долларына жетті. 2007 жылы банктің ТМД-дағы активтерін топтастырып, оларды 2015 жылға дейін. 50 млрд. АҚШ долларына дейін жеткізу көзделген.

Euromoney тобына қаржы және банк саласы бойынша маманданған 100- ге жуық әртүрлі компаниялар кіреді, олардың қатарында EuroWeek, Project & Trade Finance, Emerging Markets, AsiaMoney және тағы басқалары бар. Сонымен бірге компанияны 1969 жылы құруды бастаған негізгі басылым ай сайын шығатын Euromoney журналы.1997 жылы Euromoney компаниясы Institutional Investor журналын иемденді. Осылайша ол америкалық инвесторлар мен қаржыгерлердің кең аудиториясына жол тапқан АҚШ-тың ірі қаржы басылымына айналды.