Жаңалықтар

«ТұранӘлем Банкі» АҚ мен Ислам даму банкі негіздемелік келісімге қол қойды

29.08.2007 / Баспасөз орталығы

2007 жылғы 29 тамыз күні «ТұранӘлем Банкі» (ТӘБ) АҚ Басқарма Төрағасының орынбасары Әбіләкім Жұмахметов пен Ислам даму банкінің (IDB) Вице-президенті Амаду Бубакар ТұранӘлем Банкіне 10 жыл мерзімге 50.млн. доллар сомаға қаржыландыру желісін беру Туралы негіздемелік келісімге қол қойды.

Осы келісімге сәйкес ТұранӘлем Банкі шағын және орта бизнес жобаларын, атап айтқанда, өнеркәсіптік, ауыл шаруашылығы және өңдеуші секторларды лизинг қаржыларымен қаржыландыруды, мерзімін ұзартып сатуды және Истисна (Istisna) ислам әдісі бойынша қаржыландыруды жоспарлап отыр.

Берілетін несие желісінің негізгі мақсаты шағын және орта бизнес субъектілеріне арналған несие ресурстарының мерзімін ұзарту және арзандату болып табылады.

ТӘБ мен IDB арасындағы негіздемелік келісімнің ерекшелігі ТӘБ клиенттеріне берілетін несиелер 300 мыңнан 7,5 млн. АҚШ долларына дейінгі соманы құрамақ және 10 жыл мерзімге дейін берілетін болады.

Осы желі аясында Қазақстан Республикасы ішінде, сондай-ақ сырт елдерде ТӘБ клиенттерінің негізгі қаржыны сатып алуға арналған мәмілелері қаржыландырылуы мүмкін.

«Мен ТӘБ мен ИБР арасындағы келісімнің жасалуы біздің елімізде жүзеге асыратын біріккен жобалардың бастамасы ғана деп ойлаймын. Мұндай серіктестіктің табысты және екіжақты тиімді болатынына кәміл сенемін», - деп атап өтті құжатқа қол қою рәсімінде Әбіләкім Жұмахметов.

«ТұранӘлем Банкі» АҚ (ТӘБ) — ірі банктердің бірі және ТМД аумағындағы банк желісін құруда көшбасшы. 30.06.2007 жылы банктің топтастырылған активтері 23 966 млн. $ (31.12.2006 ж. - $16 340 млн.), ал меншікті капиталы 2 379 млн. $( 31.12.2006 жылы - $1 532 млн.) болды.

ТМД елдерінде және алыс шет елдерде өз өнімдерін ұсынатын ТұранӘлем банкі ТМД елдеріндегі қызмет аясын одан әрі кеңейтуде. Украинаға, Ресейдің 4 аймағына, Беларуське, Грузияға, Арменияға, Қырғызстан мен Түркияға тарайтын стратегиялық серіктес банктер желісінің болуы осыны дәлелдейді. ТӘБ өкілдіктері Ресейде, Украинада, Қытайда және БАӘ -де жұмыс істейді.

ТұранӘлем Банкінің Қазақстан Республикасының барлық аймағында тармақталған филиалдар желісі бар (22 филиал мен 249 есеп айырысу - кассалық бөлімдері ).

Ислам даму банкі (Islamic Development Bank, IDB) - Ислам Шариғатының принциптеріне сәйкес, ИБР-ге мүше емес елдердегі мүше елдер мен мұсылман қоғамдастығының экономикалық дамуына және әлеуметтік жағынан ілгерілеуіне көмектесу болып табылатын халықаралық қаржы ұйымы.

IDB 1975 жылы 20 қазанда құрылды. Штаб-пәтері Жидда қаласында орналасқан (Сауд Аравиясы Корольдігі), аймақтық кеңселері Рабат (Марокко), Куала-Лумпур (Малайзия) қалаларында орналасқан. Алматы қаласында IDB өкілдік кеңсесі бар.