Жаңалықтар

«ТұранӘлем Банкі» АҚ тағы да «ТМД-дағы үздік банк» атанды

23.11.2007 / Баспасөз орталығы

21 қараша күні ресейлік «Итоги» журналы, халықаралық Fitch Ratings рейтингілік агенттігі Ресейдің Өнеркәсіпшілер мен Кәсіпкерлер Одағымен бірлесіп Банкирлер күніне орай «Қомақты ақша» сыйлығын тапсыру салтанатын өткізді.

2007 жылдың қорытындысы бойынша «ТұранӘлем Банкі» АҚ үздік нәтижелер көрсетіп, «ТМД-дағы үздік банк» номинациясы бойынша үздік атанды.

2006 жылы да «ТұранӘлем Банкі» АҚ «ТМД-дағы үздік банк» атанған болатын.

Сыйлық жеңімпаздарын «Итоги» журналының анкеталық сұраулары бойынша әріптестеріне дауыс беру арқылы кәсіби банктік қоғамдастыққа қатысушылардың өздері анықтайды.

Банкирлердің үлкен жиында бас қосуларына себепші болған сыйлықты тапсыру салтанаты ғана емес, сонымен қатар Fitch Ratings агенттігінің өтіп бара жатқан 2007 жылдың қорытындысын шығарып және ресейлік несие ұйымдары мен ТМД-ның ең ірі банктерінің жаңа рейтингілерін ұсынуы болды.

Банкирлер күні мерекесіне 80-нен астам ірі банктер мен ТМД несие ұйымдарының басшылары, қаржы мониторингі бойынша Федералдық қызметтің, Қаржы нарығы бойынша Федералдық қызметтің, банк ассоциацияларының басшылары, РФ президенті әкімшілігінің өкілдері қатысты. Салтанатқа ТұранӘлем банкінің атынан Басқарма Төрағасы Роман Солодченко қатысты.

22 қараша күні Мәскеу қаласында Х Еуразиялық Телефорум аясында үздік іскерлік атақ-абыройы мен жоғары кәсіпқойлығы үшін «ТұранӘлем Банкі» АҚ «Достастық Белгісі» құрметті дипломымен, ал Басқарма Төрағасы Роман Солодченко экономика саласындағы екіжақты ынтымақтастықты нығайтуға қосқан орасан зор үлесі үшін «Достастық Белгісі» Орденімен марапатталды.

«Достастық белгісі» ордені – «Ынтымақтастық» халықаралық орталығы тағайындайтын қоғамдық марапат. Ол ТМД елдерінің экономикалық орталарымен халықаралық қарым-қатынас саласында жеткен орасан зор жетістіктері үшін жекелей сіңірген еңбектері үшін ұлы азаматтарға және түрлі деңгейдегі және меншіктік формасы әртүрлі кәсіпорындар мен ұйымдардың басшыларына тапсырылады.

«ТұранӘлем Банкі» АҚ (ТӘБ) — ірі банктердің бірі және ТМД аумағындағы банк желісін құруда көшбасшы. 2007 жылғы 1 қазандағы жай-күйі жөніндегі алдын ала мәліметтер бойынша ТӘБ шоғырландырылған активтері жыл басынан бері 47,4% -ға, 24 087 млн. АҚШ долларын дейін, капиталы - 2,4 есе, 3 614 млн. АҚШ долларына дейін артты. ТӘБ шоғырландырылған таза пайдасы өткен жылдың осы мерзімімен салыстырғанда 2 есеге артып, 487 млн. АҚШ долларын құрады.

ТМД елдерінде және алыс шет елдерде өз өнімдерін ұсынатын ТұранӘлем банкі ТМД елдеріндегі қызмет аясын одан әрі кеңейтуде. Украинаға, Ресейдің 4 аймағына, Беларуське, Грузияға, Арменияға, Қырғызстан мен Түркияға тарайтын стратегиялық серіктес банктер желісінің болуы осыны дәлелдейді. ТӘБ өкілдіктері Ресейде, Украинада, Қытай мен БАӘ -де жұмыс істейді.

ТұранӘлем Банкінің Қазақстан Республикасының барлық аймағында тармақталған филиалдар желісі (22 филиалы мен 260 есеп айырысу - кассалық бөлімдері )бар.

«ТұранӘлем» банкі белгілі «Итоги» қаржы журналының пікірі бойынша «ТМД-дағы үздік банк», сондай-ақ Euromoney халықаралық журналының ұсынысымен 2006 және 2007 жылдардағы «Орта Азиядағы үздік банк» атанды. Беделді The Banker іскер журналы ТӘБ рейтингісін осы жылғы әлемнің 300 үздік банктер рейтингісіне қосты және «Жыл топжарғандары» номинациясы бойынша 3-орынға лайықты деп тапты. Еуропалық Бизнес Ассамблеясы (ЕБА, Оксфорд, Ұлыбритания) ТӘБ-іне еуропалық аймақтың банк секторындағы «Еуропаның үздік компаниясы» («Best Enterprise of Europe») атағын берді.