Жаңалықтар

«ТұранӘлем Банкі» АҚ Қазақстандағы сауданы қаржыландыру саласындағы үздік банк атанды

25.12.2007 / Баспасөз орталығы

Беделді Global Finance қаржы басылымының жүргізген арнайы зерттеулері бойынша «ТұранӘлем Банкі» АҚ Қазақстандағы «Сауданы қаржыландыру саласындағы үздік банк» деп танылды.

Таңдау кезінде транзакция көлемі, қызметтің географиялық қызмет аясының орнын толтыру, клиенттерге қызмет көрсету, бәсекелік баға және инновациялық технологиялар сияқты критерийлер ескерілді. Global Finance қаржы басылымының редактораты талдаушылармен, халықаралық ірі компаниялардың жетекші топ-менеджерлерімен және қаржы сарапшыларымен бірлесе отырып, 67 мемлекет пен аймақтағы сауданы қаржыландыру саласындағы үздік банктерді анықтады. Зерттеу нәтижелері Global Finance журналының ақпандағы санында жарық көретін болады.

«Сауданы қаржыландырудағы үздік банктер олар экспорт - импорттың ғаламдық желісінде өз қызметтерін ұсынып, халықаралық сауданың артып жатқан көлемін аз тәуекелділіктермен тиімді басқару үшін оларды автоматтық үдерістерге біріктіре отырып клиенттердің талаптарына жауап бере алатын банктер», - деп атап өтті зерттеу нәтижелеріне тоқталған Global Finance Президенті Joseph D. Giarraputo.

«Қаржы нарығының қазіргі қиын кезеңінде бұл марапат сауданы қаржыландыру саласында БТА-ның сенімді серіктес болып қалатынын және өзінің клиенттері мен серіктестерінің сенімін жоғалтпайтынын көрсетеді», - деп есептейді «ТұранӘлем Банкі» АҚ халықаралық қатынастар және сауданы қаржыландыру басқармасының бастығы Тимур Сабырбаев.

2007 жылдың 10 айының қорытындысы бойынша сауданы қаржыландыру бойынша нарықтағы БТА үлесі 37% - ды құрады. Алдағы жылғы нарықтағы үлесі бойынша банк өзінің бұрынғы ұстанымын (жайғасымын) сақтауды және мүмкіндігінше оны 40%-ға арттыруды жоспарлап отыр. Ағымдағы жылдың 9 айының қорытындысы бойынша сауданы қаржыландырудағы БТА несие қоржыны 4 млрд. долларды құрайды. Оның ішінде резидентке 70%-ы, бейрезидентке 30%-ы тиесілі.

Сондай-ақ өз мемлекеттеріндегі жеңімпаздар арасында мына банктер бар: Citi (АҚШ), HSBC (Ұлыбритания), Альфа Банк (Ресей), ЮниКредит (Австрия), BNP Paribas (Франция) және тағы басқалар.

«ТұранӘлем Банкі» АҚ —ТМД аумағындағы банк желісін құруда көшбасшы және ірі банктердің бірі. 2006 жылдың 31 желтоқсанынан 2007 жылғы 1 қазанға дейінгі аралықтағы ҚЕХС (Қаржы есептемесінің халықаралық стандарттары) бойынша аудиттелген есептемеге сәйкес БТА шоғырландырылған активтері 47 % -ға 24,1 млрд АҚШ долларына дейін, капиталы - 2,3 есеге 3,6 млрд. АҚШ долларына дейін артты. БТА шоғырландырылған таза пайдасы өткен жылдың осы мерзімімен салыстырғанда 2 есеге артып және 2006 жылдың қорытындысы бойынша түскен пайдадан 58%-ға артып, 487 млн. АҚШ долларын құрады.

ТМД елдерінде және алыс шет елдерде өз өнімдерін ұсынатын ТұранӘлем банкі ТМД елдеріндегі қызмет аясын одан әрі кеңейтуде. Украинаға, Ресейдің 4 аймағына, Беларуське, Грузияға, Арменияға, Қырғызстан мен Түркияға тарайтын стратегиялық серіктес банктер желісінің болуы осыны дәлелдейді. ТӘБ өкілдіктері Ресейде, Украинада, Қытай мен БАӘ -де жұмыс істейді.

ТұранӘлем Банкінің Қазақстан Республикасының барлық аймағында тармақталған филиалдар желісі (22 филиалы мен 260 бөлімшелері) бар.

ТұранӘлем банкі беделді «Итоги» қаржы басылымының таңдауы бойынша 2006 және 2007 жылдардағы «ТМД-дағы жылдың үздік банкі» атанды. Беделді The Banker іскерлік журналы БТА рейтингісін осы жылғы әлемнің 300 үздік банктер рейтингісіне қосты және «Жыл топжарғандары» номинациясы бойынша 3-орынға лайықты деп тапты. Еуропалық Бизнес Ассамблеясы (ЕБА, Оксфорд, Ұлыбритания) БТА-ға еуропалық аймақтың банк секторындағы «Еуропаның үздік компаниясы» («Best Enterprise of Europe») атағын берді.

Global FInance іскерлік басылымы 2008 жылы жарыққа шықққанына 21жыл толуын атап өтеді. Оның 158 мемлекетте 50 000 - нан астам жазылушылары мен 284 000-ға жуық оқырмандары бар. Аудиторияға қаржы институттарының топ-менеджерлері, бизнес- талдаушылар, сарапшылар, қаржы кеңесшілері, инвестиция саласының мамандары кіреді.