Жаңалықтар

БТА Банкінің кезектен тыс жалпы акционерлер жиналысының қорытындысы

Алматы, 23 тамыз 2010 ж. – Бүгін БТА Банкі (бұдан кейін – Банк) 2010 жылдың 19 тамызында Алматы қаласында өткен кезектен тыс жалпы акционерлер жиналысының қорытындысын хабарлады. Күн тәртібінде төмендегі сұрақтар қарастырылды:

1. «БТА Банкі» АҚ Директорлар кеңесінің құрамын өзгерту туралы;
2. Санақ комиссиясының сандық құрамын көбейту туралы;
3. «БТА Банкі» АҚ Директорлар кеңесінің мүшелеріне «Сыйақыны анықтау, төлем талаптары мен шығындардың орнын толтыру» Ережесіне өзгерістер енгізу туралы;
4. «БТА Банкі» АҚ Директорлар кеңесі жайлы» жаңа басылымдағы Ережені бекіту туралы;
5. «БТА Банкі» АҚ бұрынғы лауазымды тұлғаларын Қазақстан Республикасының заңнама талаптарына сәйкес жауапкершілікке тарту.

Банк акционерлерінің дауыс беруінің нәтижесінде, төмендегідей шешім қабылданды:

1. Тәуелсіз директор Ульф Вокурканың басқа жұмысқа ауысуына байланысты, 2010 жылдың 17 тамызынан бастап БТА Банкі Директорлар кеңесінің құрамынан шығуы жөніндегі өтінішін қабылдау.
   
   Директорлар кеңесінің мүшелері – Ерлан Тәтішев пен Қайрат Әйтекеновтің өкілеттіліктерін тоқтату.
   
   Кредиторлар Комитетінің өкілдері Кристоф Шефбек пен Маартен Лео Пронк және тәуелсіз директор – Болат Бабеновты Директорлар кеңесінің құрамына сайлау.

Қазіргі уақытта БТА Банкі Директорлар кеңесінің құрамы тоғыз адамнан тұрады: Директорлар кеңесінің төрағасы – Арман Дунаев, Директорлар кеңесінің мүшелері – Әнуар Сәйденов, Айдан Кәріпжанов және Абай Искандиров; тәуелсіз директорлар – Юрки Талвитие, Константин Корищенко және Болат Бабенов; Кредиторлар Комитетінің өкілдері – Кристоф Шефбек, Маартен Лео Пронк.

Сонымен қатар, Банк акционерлері төменде көрсетілген шешімді қабылдады:

2. Жалпы акционерлер жиналысының жұмысын қамтамасыз етіп отыратын Санақ комиссиясының сандық құрамын көбейту;
3. «БТА Банкі» АҚ Директорлар кеңесінің мүшелеріне «Сыйақыны анықтау, төлем талаптары мен шығындардың орнын толтыру» Ережесіне өзгерістер мен толықтырулар енгізу;
4. «БТА Банкі» АҚ Директорлар кеңесі жайлы» жаңа басылымдағы Ережені бекіту;
5. «БТА Банкі» АҚ бұрынғы лауазымды тұлғаларын Қазақстан Республикасының заңнама талаптарына сәйкес жауапкершілікке тарту.

БАҚ байланыс телефондары:

тел. +7(727) 312 28 47, 250 53 78
e-mail: pr@bta.kz
www.bta.kz