Жаңалықтар

ПРЕСС-РЕЛИЗ

Нью-Йорктің Жоғарғы соты Мұхтар Әбілязовқа қарсы іс бойынша БТА Банкіне 7 миллиард АҚШ долларын берді.

2022 жылғы 3 наурызда Нью-Йорк штатының Жоғарғы Сотының судьясы Фрэнк П.Нерво Мұхтар Әбілязовқа қарсы іс бойынша «БТА Банкі» АҚ пайдасына пайыздарды есептеуді жалғастыра отырып, 7 100 347 862,12 АҚШ доллары сомасына шешім шығарды. Сонымен қатар, сот Әбілязовтан сот шығындары ретінде 505 АҚШ долларын өндіріп алды.

Әбілязов Қазақстанда БТА Банкінен оның бақылауындағы ұйымдардың жалған қарыздарын беру арқылы бүкіл әлем бойынша жылыстатылған миллиардтаған доллар ұрлағаны үшін үкім шығарылып, сотталды. 2012 және 2013 жылдары БТА Англия соттарында Әбілязовқа қатысты ұқсас шешімдер қабылдады, ол оларды орындаудан бас тартты. Нью-Йорктің Жоғарғы соты осы ағылшын сот шешімдерін мойындай отырып, ағылшын соттары Әбілязовқа «бейтарап сот» және басқа да «тиісті құқықтық процестің талаптарымен салыстырылатын рәсімдерді» ұсынғанын атап өтті.

«АҚШ пен Англия соттары Мұхтар Әбілязовтың БТА-ға қарсы ауқымды алаяқтық схеманы іске асырудағы рөлін мойындады. Бұл факті бойынша ешқандай күмән туындамайды және БТА әлі де ұрланған миллиардтарды номинацияланған тұлғалардан және оларды Әбілязов жасырған жасанды компаниялардан іздестіруге және қайтаруға тырысады», - деп мәлімдеді Boies Schiller Flexner LLP басқарушы серіктесі, БТА адвокаты Мэтью Л.Шварц.

Нью-Йорк штатының Жоғарғы Сотының аталған шешіміне қосымша, АҚШ-тың Нью-Йорктің Оңтүстік округі бойынша Округтік соты Әбілязовқа қарсы сот қаулыларын бұзу нәтижесінде және сот процесін құрметтемегені үшін 140 115,16 АҚШ доллары сомасына БТА мен Алматы қаласының пайдасына шешім шығарды. Федералды сотта бұл сот процестері жалғасуда. Triadou SPV S. A. компаниясына қарсы тыңдау 2022 жылдың жазына жоспарланған.

БАҚ арналған байланыс:

Эльдар Шамсутдинов/ «Банкі» АҚ Баспасөз-қызметінің басшысы

Электронды пошта: eshamsutdinov@bta.kz; press@bta.kz

Телефон: +7(747) 264 08 04

Вебсайт: www.bta.kz